Lembramos o que aprendemos das características dos animais

 A semana pasada comezamos a elaborar o noso "lape-libro", no que representamos cales son as caracerísticas dos animais. A maioría do que fixemos tamén está explicado neste video:

AS EMOCIÓNS TRADUCIDAS A CORES

Todos pasamos por diferentes emocións ao longo dun so día. É imposible estar sempre contenta, e con frecuencia, chegamos a enfadarnos ou poñernos tristes. Ás veces pasamos medo, e tamén hai situacións nas que sentimos asco. Cada emoción nos axuda a medrar e aprender. O divertido é que as emocións poden identificarse coas cores. Neste cachiño da película "Do revés" podemos velo con claridade. Atreveríaste a explicar en que nos axudan as emocións? Para que nos pode servir ter medo, asco ou tristeza? É bo enfadarse? É preciso estar sempre contenta?

PINTANDO CON ACUARELAS

Ver esta publicación en Instagram

Una publicación compartida de Negin A (@neginz_art)

Restas con levadas no sustraendo

Xa sabemos restar con levadas, e sabemos o que hai que "levar" e por que. De momento, aprendemos a restar sen levadas e con levadas, como contan en este video. Con este video repasamos tooodo o que sabíamos da resta ata hoxe.

 

Pero tamén aprendemos que hai unha segunda forma de facer as restas. Podemos chamarlle o "método do tobogán".

"O xogo da Carrasquiña"

Este mes de xaneiro rematará cunha danza. "O xogo da Carrasquiña" é unha peza chea de bicos e apertas, de danza e de moitos agarimos. Dá gusto bailar todos xuntos, collidos da man ou do van, para celebrar que vivimos en paz, que nos respectamos, que nos queremos e que desexamos seguir así.

"POEMA DUNHA VACALOURA PARA LER MOI RÁPIDO"

Ata agora tivemos a oportunidade de ler os poemas moi devagar. Pero este libro do "Animalario de ler a diario plantexa de cando en vez algún desafío! Velaiquí o desafío de ler moi rápido! Serás quen de non enredar a

lingua?

Musicar o mar

 Esta mañá traballamos nunha nova sesión de Biblioteca Creativa que tiña que ver coa tecnoloxía, a música e o mar. Se queres saber máis, contámolo todo no video.

"LOS CINCO Y EL GRAN ENIGMA": Capítulo 7

 Esta semana iniciamos un nuevo capítulo. ¿Qué pasará con el monito que dejamos corriendo por la isla en la última lectura? Vamos a averiguarlo. 

DOUS POEMAS POLO MESMO PREZO

Hoxe traemos dous poemas polo mesmo prezo: "Sempre hai un sapo pra a sapa" e "A toupa". E seguimos sumando animaliños neste "Animalario de ler a diario"!

PROBANDO PINCEIS E ACUARELAS

 Imos practicando novas técnicas para as nosas creacións artísticas. Hoxe comezamos a usar as acuarelas e os pinceis. Creamos un feixe de globos a punto de botar a voar, usando os pigmentos das acuarelas e creando cores novas. Tamén aprendemos a coidar o material, usar ben os pinceis, limpalos e "peinalos" para deixalos secos e listos para voltar usalos cando os precisemos. Foi unha tarde de paciencia, colaboración e creación. Estamos preparadas e preparados para outra!

Para pintar con pinceis... empezamos polo final.

 Aínda que vos pareza raro, para saber pintar con pinceis hai que empezar polo final. Que faremos cando rematemos de usar os pinceis cada día? Hai que coidalos para telos sempre a punto, ben limpiños, sen restos de pintura, e cos peliños "ben peinados". Neste video explican moi ben como facelo.

Lemos, comprendemos, aprendemos

Na aula lemos todos os días,e cada día textos diferentes. Sen embargo, temos dous libros "de cabeceira": un para aprender en Lengua Castellana e outro en Lingua Galega. Imos contarvos como utilizamos os libros na nosa aula, para ler, comprender e aprender. 

Os apuntes do Museo da Pesca

 Unha das actividades máis agardadas deste trimestre foi a visita ao "Museo da Pesca" de Fisterra. Preparámola antes, disfrutámola durante e lembrámola despois, sobre todo grazas aos nosos apuntes. Aquí queda unha mostra do moito que conseguimos anotar do que vimos no Museo e durante a viaxe. Para ser a primeira vez non estivo nada mal!

ELABORANDO MENÚS

 Nestre trimestre dedicamos a área de Ciencias da Natureza ao estudo do noso corpo, o corpo humano. Sabemos que para vivir é imprescindible respirar, pero tamén alimentarse axeitadamente. Por iso investigamos sobre os tipos de alimentos que existen, e representámolos  nunha roda. Debemos escoller aliementos variados para cada día, incluindo cantos máis sectores da roda. Ah! E non esquecer a auga!

Se a todo isto engadimos o exercicio físico, o deporte, conseguiremos disfrutar dunha saúde excelente!

Trucos para usar ben a auga

Durante o primeiro trimestre investigamos sobre a auga e os seus usos. Aprendemos como usar ben a auga, sen malgastala, e queremos contárvolo.