Trucos para usar ben a auga

Durante o primeiro trimestre investigamos sobre a auga e os seus usos. Aprendemos como usar ben a auga, sen malgastala, e queremos contárvolo.

Aprendendo a coidar o mar coa asociación "Amicos"

 A finais do curso pasado a asociación "Amicos" visitou o noso cole e con eles traballamos na praia recollendo e clasificando o lixo do mar. O mércores 16 deste mes de novembro estiveron con nós de novo. Falamos da cantidade de lixo que aboia na superficie do mar (ás veces formando enormes illas de plástico), e sabemos que no fondo hai moita maior cantidade. Isto provoca a morte de moitos animaliños que se atragoan co lixo, porque pensan que é comida, ou quedan atrapados e non poden nadar. 

Para axudar a solucionar este problema so temos que impedir que o lixo chegue ao mar, e por iso é imprescindible que saibamos en que colector vai cada tipo de refugallo: papel e cartón, vidro (que non cristal), residuos orgánicos, xoguetes, pilas, ... Todo isto aprendemos mentres xogábamos nun enorme taboleiro. 

Usamos a auga e coidamos a auga

Xa aprendimos hai uns días cales eran os usos máis frecuentes que lle dabamos á auga. Pero para poder seguir facéndoo debemos, ademais, coidar dela. Aquí imos darlle un repaso a todo o aprendido e razonar sobre os lugares nos que hai auga.

Aforrar auga

Hoxe Minchi vainos explicar como fai ela para aforrar auga. Preme na imaxe para que o video comece.

INVESTIGANDO OS USOS DA AUGA

 Hoxe, na sesión de CC.SS. estivemos falando da auga. O noso planeta Terra debería chamarse "planeta Auga", porque a maioría está formada por mares, océanos, ríos, nubes... E todo iso é auga! 

Fixemos unha chuvia de ideas que quedou anotada no encerado, e logo fomos coloreando un "mapa conceptual" no que quedaban reflectidas con debuxos. Tamén escribimos o nome de cada uso. *

*Fonte: https://docplayer.es/11085564-Los-mapas-conceptuales-en-educacion-infantil.html,  "Investigación e educación"

Usos da auga

 A maioría da superficie do planeta Terra está cuberta de auga. Para que usamos tanta cantidade?

OS COIDADOS DAS NOSAS CASAS

Hoxe, na sesión de Valores Sociais, traballamos todos xuntos. Tratábase de "tomar conciencia de que toda casa require traballos de mantemento e coidado se queremos vivir ben nela. Aprendemos a comparar as necesidades da nosa casa exterior coas da nosa casa interior, e decidir que podemos facer para mellorar as súas condicións".* Coidamos e coidámonos.

Detectamos problemas na Terra, como os lumes e o lixo. Hai que coidar do monte, e non ensuciar o medio ambiente. Pensamos que nas nosas casas debemos aforrar na luz e na auga. E sabemos que debemos mirar pola nosa saúde: temos que coidar o noso corpo alimentándonos ben, facendo exercicio, vendo menos tele e lendo máis, e evitando malos hábitos, como o de fumar. 

* Actividade extraída de "Exploradores emocionales", de María Mercè Conangla e Jaume Soler, en Editorial Parramón.