DEBUXAMOS O APARATO RESPIRATORIO

 Ás veces, debuxar facilítanos comprender mellor o que queremos aprender. Aquí tés unha mostra acerca da maneira de debuxar desde a larinxe ata os alveolos, paso a paso e de forma sinxela. Queres probar?

DEBUXANDO COAS MANS

 Utilizamos as mans para manexar as ferramentas de debuxo: un lapis, un rotulador, un pincel, unha goma,... Pero tamén podemos usalas como "modelo" para deseñar figuras coma estas:

Ver esta publicación en Instagram

Una publicación compartida de نقاشی مرحله به مرحله کودکان (@drawing_simple_drawing)

AS LIÑAS DO TEMPO

 As liñas do tempo son unha ferramenta moi útil. Sirven para representar o que sucede nun período determinado de forma ordenada. Pode representarse o que sucede nunha hora, nun día, nun mes, nun ano, nun século... Hoxe probaremos a facer unha representación da liña do tempo dun día, desde que acordamos ata que nos deitamos para durmir. 

Déixovos aquí a liña do tempo do seu día que deseñou a miña amiga Rita. Como ides representala vós?

FIGURAS PLANAS

 Avanzamos algo máis coa xeometría. Agora temos que identificar as figuras planas, coñecer os seus nomes e saber debuxalas. Aquí temos unha pequena axuda. 

E lembra que, cada vez que as representemos, temos que saber utilizar ferramentas como a regla. Facémolo o mellor que sabemos. 

TIPOS DE LIÑAS

 Co terceiro trimestre chega o estudo da xeometría á clase de matemáticas. Como sempre empezamos polo sinxelo, convén primeiro falar dos tipos de liñas. É importante identificalas, saber escribir os seus nomes e saber representalas. Por exemplo: sabemos por que as liñas horizontais se chaman así? Sabemos o que son as rectas paralelas? E coñecemos as liñas poligonais? Este video pode servirnos de axuda.

Serías capaz de identificar todas estas liñas mentres vas de paseo? Proba! Hainas por todas partes!

Leonardo da Vinci

Se cadra, algunha vez escoitaches falar desta persoa. Viviu hai moito tempo en Italia. Era un brillante inventor, pero tamén un gran pintor, e moi bo cociñeiro. Premendo na imaxe, podes acceder a un video feito polos Lunnis para aprender máis sobre el. 

Pero a súa memoria chegou a nós sobre todo polas súas obras pictóricas. Un dos seus cadros máis coñecidos é a "Gioconda". Está no museo do Louvre, en París (Francia). Representa a unha muller moi fermosa, e ao fondo vese a paisaxe dunha cidade. Se te fixas ben, apenas sorrí, pero ten unha apariencia moi tranquila, pacífica e relaxada. 

Leonardo foi, sobre todo, inventor. Sabías que fixo uns primeiros deseños do que serían os avións, os globos aerostáticos ou os coches?

Hoxe imos falar de Leonardo da Vinci porque estaba moi intrigado polas características do corpo humano. Tanto foi así que deseñou un "home de Vitrubio" para demostrar como sería esa forma ideal. Se buscas neste código QR, apareceráche o deseño de da Vinci. 

As nosas vacacións

Este curso imos aprender a comunicarnos de moitas formas. Coas palabras e coa escoita, coa lectura e coa escrita. Pero tamén coa arte, e sobre todo cos nosos debuxos. Aproveitamos o primeiro día para contar o que máis nos gustou das nosas vacacións. E este é o resultado.