Para facilitarnos o traballo de hoxe en Ciencias da Natureza, imos fixarnos nesta roda. Aquí están os alimentos organizados "en equipos", porque cada un deles aporta distintos nutrientes ao noso corpo.
Agora que estamos aprendendo sobre o corpo humano, imos ver como se desenvolve unha das súas funcións principais: a dixestión. Por que será tan importante?
Isto é algo que parece sabido, pero non por iso deixa de ser importantísimo. Porque é na boca onde comeza a dixestión. Por se fose pouco, se non coidamos ben a boca e os dentes, podemos ter moitos problemas de saúde. Non vén nada mal saber máis acerca desta parte do corpo.
