Lembramos o que aprendemos das características dos animais

 A semana pasada comezamos a elaborar o noso "lape-libro", no que representamos cales son as caracerísticas dos animais. A maioría do que fixemos tamén está explicado neste video:

ELABORANDO MENÚS

 Nestre trimestre dedicamos a área de Ciencias da Natureza ao estudo do noso corpo, o corpo humano. Sabemos que para vivir é imprescindible respirar, pero tamén alimentarse axeitadamente. Por iso investigamos sobre os tipos de alimentos que existen, e representámolos  nunha roda. Debemos escoller aliementos variados para cada día, incluindo cantos máis sectores da roda. Ah! E non esquecer a auga!

Se a todo isto engadimos o exercicio físico, o deporte, conseguiremos disfrutar dunha saúde excelente!

Museo da Pesca de Fisterra

A semana pasada visitamos o Museo da Pesca. Está en Fisterra, unha localidade veciña, ao sur de Muxía, coa que ten moitas semellanzas. Aprendemos moito nesta visita, e conservamos moitas imaxes do que alí vimos. Algunhas delas están recollidas nesta pequena peza.

Unha alimentación sá e equilibrada: a roda dos alimentos.

 Para facilitarnos o traballo de hoxe en Ciencias da Natureza, imos fixarnos nesta roda. Aquí están os alimentos organizados "en equipos", porque cada un deles aporta distintos nutrientes ao noso corpo. 

A roda dos alimentos, una ficha interactiva de clasede3b
liveworksheets.com

A DIXESTIÓN

A dixestión é un proceso que axuda a nutrir o noso corpo. É dicir, a dixestión forma parte do proceso de nutrición. Aquí veremos pouco a pouco como o noso corpo consigue dixerir os alimentos.
O aparello dixestivo

O DIAFRAGMA E O SISTEMA RESPIRATORIO

Xa sabemos que respirar é imprescindible para poder vivir. Tamén sabemos que o aire entra no noso corpo a través do nariz ou da boca e chega pola traquea aos pulmóns. Pero ... como fai o nariz ou a boca para meter o aire tan adentro do noso corpo? Se facemos este experimento, seguro que o entendemos mellor.

DEBUXAMOS O APARATO RESPIRATORIO

 Ás veces, debuxar facilítanos comprender mellor o que queremos aprender. Aquí tés unha mostra acerca da maneira de debuxar desde a larinxe ata os alveolos, paso a paso e de forma sinxela. Queres probar?

O SISTEMA RESPIRATORIO

 Xa sabemos que a respiración é unha función vital do corpo humano. Sen respirar non podemos vivir. Pero... por que? E como fai o noso corpo para respirar? Aquí temos unha explicación moi simple que pode axudarnos para ter as ideas claras. Saberías facer un esquema coa información que obtés deste video?

OS NOMES DOS ÓSOS

O noso esqueleto está formado por moitos ósos. Pero hoxe so imos aprender os máis grandes e importantes, porque protexen os órganos internos, sosteñen o corpo, e permiten que nos movamos.

Os ósos

Agora que estamos no tempo do Samaín, e dásenos por falar de pantasmas e esqueletos, é un bo momento para falar dos ósos do corpo. Non vos parece?

Érase unha vez... a respiración

 A semana pasada estivemos vendo o importante que era o proceso da dixestión para poder vivir. Pero... que pasaría se non puidésemos respirar? 

La grajilla

 Grajilla es el nombre de un pájaro muy común. Si buscamos en la página de SEOBIRDLIFE encontramos este video:

Nos cuentan que "tienen el plumaje negro y ceniza, y que crían en una gran variedad de lugares, desde cortados rocosos hasta viejos edificios, además de taludes y árboles". Siempre están en grupos grandes, armando mucho alboroto. 

ÉRASE UNHA VEZ A DIXESTIÓN

 Agora que estamos aprendendo sobre o corpo humano, imos ver como se desenvolve unha das súas funcións principais: a dixestión. Por que será tan importante?

SOMOS DIFERENTES

Como estamos estudando o corpo, hoxe falamos en Ciencias Naturais de que todos temos unhas caracterísiticas diferentes. Pero non somos so diferentes "por fóra". A nosa forma de ser, como pensamos, o que nos gusta, como somos "por dentro", tamén é diferente.

Non pasa nada por ser diferente! Podemos estar xuntos igual, aínda que ás veces nos enfademos, como lles pasa aos protagonistas deste conto:

A VACINACIÓN

 Xa estamos en outono, e moitos imos vacinarnos contra a gripe. Os que aínda estamos medrando imos vacinándonos contra outras enfermidades: o tétanos, a tuberculose, o sarampelo... Pero, en que consiste isto de vacinarse? Que é unha vacina?

OS NOMES DO NOSO CORPO

O curso pasado fixemos unha actividade semellante. Pero agora sabemos como traballar en equipo, e logo nos organizamos para anotar todas as palabras que xa sabiamos e as novas que acabamos de aprender. Aquí queda o resumo do traballo de hoxe.

A BOCA E OS DENTES

 Isto é algo que parece sabido, pero non por iso deixa de ser importantísimo. Porque é na boca onde comeza a dixestión. Por se fose pouco, se non coidamos ben a boca e os dentes, podemos ter moitos problemas de saúde. Non vén nada mal saber máis acerca desta parte do corpo. 

O NOSO CORPO

Xa sabemos o nome de moitas das partes do noso corpo. Pero aínda podemos saber máis. Como se chama esa parte do brazo que se une coa man? E a parte que une a cabeza co tronco? E a que une a parte de enriba coa parte de embaixo da perna? E a que une o pé coa perna? Imos repasar e aprender:

As partes do corpo, una ficha interactiva de alvarezcampos
liveworksheets.com

AS SENTINELAS

As sentinelas son as persoas que están sempre vixiando para defender un lugar. Sabiades que no noso corpo tamén temos sentinelas? Son as que se encargan de vixiar para que non nos ataquen os nosos piores inimigos: os virus, as bacterias, velenos, toxinas... Vas ver ben explicado como nos defenden:

O QUE FACEMOS COAS CIENCIAS DA NATUREZA

Coas ciencias da natureza dedicámonos a aprender todo o que ten que ver coa vida (a dos animais, a das plantas,...) e coa materia inerte que a fai posible, con todo o que rodea á vida. Nestas primeiras semanas imos ver como temos que coidar da nosa propia vida: como debemos alimentarnos, como debemos manter a hixiene do noso corpo, por que é tan importante facer exercicio físico... Podemos facer unha pequena viaxe "científica" arredor do noso corpo con este coñecido video, que fala das células, a unidade mínima de vida: