REPASAMOS XEOMETRÍA

 No curso pasado xa nos achegamos a esta parte tan divertida das matemáticas. Trátase de aprender sobre a medida de todo o que hai no noso planeta: liñas (curvas ou rectas), polígonos, formas xeométricas, unidades de medida, instrumentos de medida... Por todas partes hai algo relacionado coa xeometría, cousa que pasa sempre coas matemáticas. Neste curso imos repasar e aplicar o aprendido.

CORPOS XEOMÉTRICOS

 Hoxe imos dar un paso máis coa xeometría para buscar estas formas na nosa contorna. 

Cuerpos geométricos, una ficha interactiva de jvilla
liveworksheets.com

Podes consultar este video cada vez que teñas dúbidas.

FIGURAS PLANAS

 Avanzamos algo máis coa xeometría. Agora temos que identificar as figuras planas, coñecer os seus nomes e saber debuxalas. Aquí temos unha pequena axuda. 

E lembra que, cada vez que as representemos, temos que saber utilizar ferramentas como a regla. Facémolo o mellor que sabemos. 

TIPOS DE LIÑAS

 Co terceiro trimestre chega o estudo da xeometría á clase de matemáticas. Como sempre empezamos polo sinxelo, convén primeiro falar dos tipos de liñas. É importante identificalas, saber escribir os seus nomes e saber representalas. Por exemplo: sabemos por que as liñas horizontais se chaman así? Sabemos o que son as rectas paralelas? E coñecemos as liñas poligonais? Este video pode servirnos de axuda.

Serías capaz de identificar todas estas liñas mentres vas de paseo? Proba! Hainas por todas partes!