FÁBULAS

 As fábulas son contos moi breves que, normalmente, están protagonizados por animais. De cada fábula extráese unha ensinanza ou "moraleja". Aquí temos uns exemplos escollidos. Cal é a ensinanza de cada unha?

FIGURAS PLANAS

 Avanzamos algo máis coa xeometría. Agora temos que identificar as figuras planas, coñecer os seus nomes e saber debuxalas. Aquí temos unha pequena axuda. 

E lembra que, cada vez que as representemos, temos que saber utilizar ferramentas como a regla. Facémolo o mellor que sabemos. 

TIPOS DE LIÑAS

 Co terceiro trimestre chega o estudo da xeometría á clase de matemáticas. Como sempre empezamos polo sinxelo, convén primeiro falar dos tipos de liñas. É importante identificalas, saber escribir os seus nomes e saber representalas. Por exemplo: sabemos por que as liñas horizontais se chaman así? Sabemos o que son as rectas paralelas? E coñecemos as liñas poligonais? Este video pode servirnos de axuda.

Serías capaz de identificar todas estas liñas mentres vas de paseo? Proba! Hainas por todas partes!

Follas de limoeiro

Xa pasou o Entroido, pero non o noso gusto polas larpeiradas. Hai moitas receitas típicas desta época do ano, a maioría doces e deliciosas... Seguro que as primeiras que se nos acordan son as filloas, ou as orellas. Pero... escoitaches falar das "Follas de limoeiro"? 

 

 Tamén no blog "Kukinhas" temos outra versión da receita, coa que imos traballar na clase.

Cores quentes e frías

 A todos e a todas nos encanta pintar todo de cores. Pero non só nos gusta pintar, tamén disfrutamos contando e transmitindo sensacións. Sabías que as cores comunican sensacións? Sabes que as cores poden ser quentes ou ser frías? Neste video de Art Attack cóntannos como é posible transmitir coa cor. 

As cores de Rosalía

 Dentro do Proxecto Documental Integrado sobre a pintura, a Biblioteca propuxo que representásemos as cores dun dos poemas máis coñecidos de Rosalía: "Adiós ríos, adiós fontes". Coñecémolo pola interpretación que fixo o compositor e cantante Amancio Prada. 

A estrofa escollida para nós dicía:

"Prados, ríos, arboredas,

pinares que move o vento,

paxariños timbradores

casiña do meu contento"

Gustounos moito pintar a Rosalía e as súas cores, e aprender con ela a querer e coidar a nosa paisaxe. 

As cores: AMARELO

 

Coa entrada do novo ano, imos profundizar no estudo das cores. Aproveitamos para lembrar o nome de

todo o que debuxamos: o sol, un plátano, unha piña, unha mazá amarela, un xirasol, un "minion", un submarino... Un submarino amarelo? Existen os submarinos amarelos? Claro que si! É que non sabes quen son os Beatles? 

Aquí tés un video para lembralo: "Yellow submarine".

Para preparar estas actividades de Educación Plástica utilizamos "El libro más bonito de todos los colores" da editorial COMBEL.