Durante a semana pasada estivemos aprendendo que a Terra non para de moverse. Está constamente xirando sobre si mesma, no que chamamos "movemento de rotación". Este movemento dá lugar ao día e á noite, e lévalle 24 horas, é dicir, un día. Pero, sabes que outro movemento realiza a Terra ao mesmo tempo?
As fábulas son contos moi breves que, normalmente, están protagonizados por animais. De cada fábula extráese unha ensinanza ou "moraleja". Aquí temos uns exemplos escollidos. Cal é a ensinanza de cada unha?
Avanzamos algo máis coa xeometría. Agora temos que identificar as figuras planas, coñecer os seus nomes e saber debuxalas. Aquí temos unha pequena axuda.
Co terceiro trimestre chega o estudo da xeometría á clase de matemáticas. Como sempre empezamos polo sinxelo, convén primeiro falar dos tipos de liñas. É importante identificalas, saber escribir os seus nomes e saber representalas. Por exemplo: sabemos por que as liñas horizontais se chaman así? Sabemos o que son as rectas paralelas? E coñecemos as liñas poligonais? Este video pode servirnos de axuda.
A todos e a todas nos encanta pintar todo de cores. Pero non só nos gusta pintar, tamén disfrutamos contando e transmitindo sensacións. Sabías que as cores comunican sensacións? Sabes que as cores poden ser quentes ou ser frías? Neste video de Art Attack cóntannos como é posible transmitir coa cor.
Dentro do Proxecto Documental Integrado sobre a pintura, a Biblioteca propuxo que representásemos as cores dun dos poemas máis coñecidos de Rosalía: "Adiós ríos, adiós fontes". Coñecémolo pola interpretación que fixo o compositor e cantante Amancio Prada.
