Máis sobre polígonos

 Hoxe estivemos aprendendo sobre os elementos dos polígonos: lado, vértice e ángulo. Xa sabemos distinguir un triángulo dun cadrado ou dun pentágono, pero queda aínda algunha cousa por descubrir. Aquí tedes un bo resumo:

AMICOS e a "Arte Reciclando"

 Esta mañán volveron visitarnos os compañeiros da Asociación Amicos. Cando estiveron aquí no primeiro trimestre aprendemos a importancia de clasificar o lixo en distintos contentores, e a necesidade de reciclar. Unha das formas más divertidas de reciclar é imaxinar, crear e construír arte. Hoxe tivemos unha hora de intenso traballo cos compañeiros de 1º na nosa aula. 

ANIMALARIO DE LER A DIARIO: "O verme da cereixa"

 Aquí tedes o novo e curto poema do verme da cereixa. 

A fareira do Golfo Ártabro

 Agora que estamos aprendendo sobre os faros, podemos "visitar" un de forma virtual. Aquí temos a testemuña dunha fareira que vixía dous faros importantes do Golfo Ártabro, o que está entre Ferrol e A Coruña. 

REPASAMOS XEOMETRÍA

 No curso pasado xa nos achegamos a esta parte tan divertida das matemáticas. Trátase de aprender sobre a medida de todo o que hai no noso planeta: liñas (curvas ou rectas), polígonos, formas xeométricas, unidades de medida, instrumentos de medida... Por todas partes hai algo relacionado coa xeometría, cousa que pasa sempre coas matemáticas. Neste curso imos repasar e aplicar o aprendido.

ANIMALARIO DE LER A DIARIO: "A lesma de Ponte Ledesma"

 

Ponte Ledesma é unha localidade que está no concello de Boqueixón, na provincia da Coruña. O seu nome procede
da súa famosa ponte medieval, que foi testemuña da batalla  contra os franceses no ano 1809. A ponte xa levaba moitos anos construída, porque este paso sobre o río Ulla era moi importante para o transporte de mercancías ata Compostela. Hoxe forma parte do Camiño de Santiago.

De aquí procede a protagonista do noso poema de hoxe:

MULTIPLICAMOS

O curso pasado xa comezamos a probar coas multiplicacións. Hoxe imos lembrar o aprendido e seguir avanzando. Para empezar, que é multiplicar? Ten algunha relación coa suma?