As cores de Rosalía

 Dentro do Proxecto Documental Integrado sobre a pintura, a Biblioteca propuxo que representásemos as cores dun dos poemas máis coñecidos de Rosalía: "Adiós ríos, adiós fontes". Coñecémolo pola interpretación que fixo o compositor e cantante Amancio Prada. 

A estrofa escollida para nós dicía:

"Prados, ríos, arboredas,

pinares que move o vento,

paxariños timbradores

casiña do meu contento"

Gustounos moito pintar a Rosalía e as súas cores, e aprender con ela a querer e coidar a nosa paisaxe. 

As cores: AMARELO

 

Coa entrada do novo ano, imos profundizar no estudo das cores. Aproveitamos para lembrar o nome de

todo o que debuxamos: o sol, un plátano, unha piña, unha mazá amarela, un xirasol, un "minion", un submarino... Un submarino amarelo? Existen os submarinos amarelos? Claro que si! É que non sabes quen son os Beatles? 

Aquí tés un video para lembralo: "Yellow submarine".

Para preparar estas actividades de Educación Plástica utilizamos "El libro más bonito de todos los colores" da editorial COMBEL.

NENAS E NENOS DE VITRUBIO

Moito falamos de Leonardo da Vinci na escola! Era un gran pintor do Renacemento, sabio, inventor... Gústanos moito imitalo, así que decidimos estudar o corpo como o fixo el: cun debuxo. Collemos papel (moito) e lápices, e puxémonos mans á obra!

Aquí tedes o resultado (polo momento).

CHEGOU UN NOVO COMPAÑEIRO!

Estes días estivemos moi contentos, porque recibimos a un novo compañeiro que chegou, por fin, de Marrocos. Mentres agardabamos por el, estivemos investigando no ATLAS, para saber a que distancia vivía, e como chegou a Muxía. Ven de facer unha longa viaxe, e estamos encantados e encantadas de que nos escollera para aprender con el. 

CONTAMOS COAS REGLETAS

 A semana pasada demos unha volta pola escola para contar cantas portas, asentos e persoas atopabamos no noso paseo. Sabemos que as matemáticas sirven, entre outras cousas, para contar. E desde hoxe sabemos tamén que é moito máis doado se o facemos manipulando. Neste caso, coas regletas. 

Que pintan en Muxía?

 Coñeces isto?

Leonardo da Vinci

Se cadra, algunha vez escoitaches falar desta persoa. Viviu hai moito tempo en Italia. Era un brillante inventor, pero tamén un gran pintor, e moi bo cociñeiro. Premendo na imaxe, podes acceder a un video feito polos Lunnis para aprender máis sobre el. 

Pero a súa memoria chegou a nós sobre todo polas súas obras pictóricas. Un dos seus cadros máis coñecidos é a "Gioconda". Está no museo do Louvre, en París (Francia). Representa a unha muller moi fermosa, e ao fondo vese a paisaxe dunha cidade. Se te fixas ben, apenas sorrí, pero ten unha apariencia moi tranquila, pacífica e relaxada. 

Leonardo foi, sobre todo, inventor. Sabías que fixo uns primeiros deseños do que serían os avións, os globos aerostáticos ou os coches?

Hoxe imos falar de Leonardo da Vinci porque estaba moi intrigado polas características do corpo humano. Tanto foi así que deseñou un "home de Vitrubio" para demostrar como sería esa forma ideal. Se buscas neste código QR, apareceráche o deseño de da Vinci.