O "lettering" é, básicamente, debuxar letras, en lugar de escribilas. Trátase de que cada letra que escribimos sexa única e irrepetible, e que poidamos utilizar as letras para xogar coas cores e as formas. O lettering é moi útil para facer cartaces, adornar postais ou "invitacións", decorar, facer máis bonitos os teus cadernos,... Para traballar o lettering hai que ter paciencia e practicar moito. Como nos gusta moito utilizar os rotuladores, o lettering vai ser moi divertido. Pero hai que ir paso a paso para facelo ben, ben... Aquí deixo unha pequena introdución, para que nos vaiamos "soltando" e poidamos vela cada vez que o precisemos... Comezamos?
Aínda que algúns xa o tiñan experimentado, este foi o primeiro día que traballamos a fondo o "lettering". Empezamos coas letras "sans seriff", é dicir, letras sen remates (sen "patiñas" nen "sombreiros"). Para ser a primeira vez, aproveitamos ben o tempo. Axudámonos dos consellos do libro "El gran libro de lettering para niños".
Ningún comentario:
Publicar un comentario
Se queres aportar un comentario construtivo, este é o teu lugar.